அருளகம் திருக்கூட்டம
Arulagam Thirukkuuttam
Talks on
Specific Themes
Page Contents - Quick Links
Vidya - Connaissance Supérieure
La Mort c’est Quoi?
Yoga
Vidya - Connaissance Supérieure.
D’après ban écritures prier bondieu extérieurement (rituelle) considérer comme connaissance inférieure (avidya) et prier bondieu intérieurement considérer comme connaissance supérieure (Vidya)
Pou ene personne ki vive ene la vie domestique tous les deux méthode prier important par contre pou ene ascetic c’est prier intérieurement ki important.
La cause de nou misère et nou attachement c’est quand nou esprit et nou ban sens reste focus lor diversité de la vie matérielle. Pou expérience la paix et la joie nou bisin pratique le détachement par prier bondieu intérieurement.
La Mort c’est Quoi?
(Source : what becomes of the soul after death —Sri Swami Sivananda)
La mort c’est séparation nou âme depuis nou le corps. La mort c’est pas la fin de la vie, la vie continuer jusqu’à ki âme unifier li avec bon dieu. Tout âme obliger passe par la pou gagne expérience pou so évolution. La mort c’est couma quand nou alle dormi et naissance c’est couma quand nou lever.
La mort c’est ene changement de corps. Nou âme quitte nou le corps li prend naissance dans ene l’autre le corps. Pareil couma nou change la cage nou âme change de corps pou nou gagne l’expérience. Li prend différent différent forme selon karma ki li fine faire. La vie humain pé purger et perfectionner pou nou capave joindre nou goal (bliss). Ça arriver à travers plusieurs naissance. La mort c’est pour le corps physique seulement ki composer de cinq éléments de la nature.L’âme li immortel.
Dissolution des cinq éléments au moment de la mort
Nou le corps physique composé de cinq éléments de la nature : terre, eau , feu, air et éther (espace). Dureté nou le corps causer par élément terre, fluidité par de l’eau, chaleur par feu, mouvement par air et espace par éther. Après la mort ça ban éléments la retourne dans la nature. Apres ki le mort fine gagne ene bain et fine habiller ban parents amène li lor cremation ground. La récite ban mantra pou ki le corps rejette so ban prana et ki le corps retourne cot so source ( dans les cinq elements) et offert le corps ā Agni (feu) .
La mort est ene événement ki faire nou réfléchi , li faire nou rode la vérité.
Nature du corps humain d’après le Thirumandiram
Dans tantra 1 Thirumoolar dire Le corps humain pas permanent. (verse 143)
Ene pot la terre ki pas fine cuit quand la pluie tomber li fone li remélange avec la terre le corps humain pareil après la mort li vine la poussière.
Verse 144
Personne n’a pas accompagne le mort (pas même madame ou enfants) dans la mort. Juste so connaissance et so sagesse accompagne li.
Verse 145
Quand ene personne ine décéder tou dimoune entourer zot chagrin. Mais aster zot nepli crier li par so nom. Zot dire le corps. Après cremation zot prend ene bain et bien vite zot oublier li.
Verse 148
Dans so poursuite pou ban plaisir humain vine distrait li faire plan lor plan li pas réaliser ki la mort capave vini ā n’importe ki moment.
Verse 158
Quand ou fabrique ene pot en terre et ki pot la casser ou pou ramasse so ban pièces pensant ki ou pou capave servi li mais quand ene personne so pot en terre casser (décéder) personne pas intéresser pou garde so le corps longtemps.
Verse 164
La lampe rester , la flamme aller. Ban ignorant lamenter quand ene proche décéder zot pas comprend signification la mort. Zot pas comprend ki le jour représente naissance et le soir représente la mort. Après le jour ena le soir ça continuer.
Verse 167
Quand l’ âme quitte so sac en peau (so le corps) li aller après avoir accompli so karma meme si so ban parent trouve corbeaux pé mange so le corps et zot pas content, même si verse du lait lor so la cendre quand li fine fini brûler l’âme la pas pou retourner.
Related Content - Quick Links
Yoga
Yoga veut dire union. Yoga so but c’est unir avec bondieu (union du microcosm avec le macrocosm). Quand nou pratique yoga c’est chemin ki nou prend pou arrive cot bondieu. Ena différent type de yoga ki nou capave pratiquer pou gagne ça union la.
Karma yoga
Karma yoga c’est quand ou consacrer tout ou action et fruit ou action à bondieu. Karma yoga est ene service désintéressé enver l’humanité. C’est ene yoga d’action ki purifier le pratiquant pou recevoir la lumière divine . C’est à dire gagne connaissance de soi.
Quand ou faire en action et ki ou pe attan ene récompense ça qualité action la crée l’attachement par contre quand ou faire ene action sans aucun attente ça action la libère ou. Quand ou agir couma ène instrument dans la main bondieu et participe dans so danse cosmique sans attan récompense ou action vine karma yoga. Ene service désintéressé est ene moyen pou enlève nou ban impuretés . Ban qualités négatif tel la haine, la jalousie, la supériorité pou disparaître et nou pou développe humilité, la tolerance, nou pou gagne ene grand vision de la vie. Karma yoga faire ou gagne bliss.
Bhakti Yoga
Bhakti yoga c’est ene lot chemin ki amène bliss . Bhakti veut dire dévotion ou amour. Bhakti c’est attraction ki nou âme ena pou nou maître, li pareil couma attraction ki ene aiguille ena vers ene aimant
Bhakti yoga aide à développer ene relation avec le divin à travers différent pratiques tel que chante louanges de dieu, écoute so ban leelas, servi so lotus feet, faire archana, atmanivedana (abandon de soi).
Bhakti yoga ena boucou bienfaits. Li adoucit le cœur, supprime la jalousie, la haine , la colère, l’orgueil, l’arrogance. Li donne la joie, la paix et la connaissance et enlève tout ban soucis.
Les quatre saints (nalvars) Thirugnana Sambandar, Thirunavukkarasar (Appar), Sundaramurthy Nayanar et Manickavasagar ti suivre le Bhakti yoga (chemin de la dévotion).