அருளகம் திருக்கூட்டம
Arulagam Thirukkuuttam
Tamil Saints
Saint Pattinathar
Saint Pattinathar ti ene tres riche commerçant dans Thanjavur district. Li ti marier à l’âge de 16 ans et même après 15 ans mariage li pas ti ena zenfants. Entre-temps ti ena ene devot de Siva ki ti tres pauvre. Siva fine apparaître dans rêve ça devot la et dire li ki li pou trouve li (Siva) en forme d’ene bébé dans ene certain endroit. Siva fine demande devot la prend bébé la et donne li Pattinaththar et en retour Pattinaththar pou donne li lor et pierres precieuses.
Pattinaththar fine adopter le bébé (garçon) et fine grandi li couma ene commerçant. Ene jour Pattinaththar fine envoye so garçon lor ene voyage avec bocou marchandise et garçon la kan li retourner li amène ene sac rempli avec écaille du riz . Pattinaththar fine encolēre ,fine ferme li dans ene la chambre et fine alle jette écaille du riz dans le port. Li fine surpris quand li fine trouve tout fine transformé en or et pierre précieuse. Quand li retourne la cage garçon fine disparaître et fine laisse ene aiguille sans œillet et ça message la "même pas ene aiguille sans œillet pou suive toi dans la mort". Pattinaththar fine comprend ki c’est le message de Siva et fine renonce la vie matérielle. Pattinaththar so enseignement c’est ki fauder pas ena attachement avec le corps et so ban plaisirs car le corps finalement li péri et li vine nourriture pou ban animaux. Ene chant de Pattinaththar:
கல்லாப் பிழையும், கருதாப் பிழையும், கசிந்துருகி
நில்லாப் பிழையு நினையாப் பிழையும், நின்னஞ்செழுத்தைச்
சொல்லாப் பிழையுந், துதியாப் பிழையுந், தொழாப் பிழையும்
எல்லாப் பிழையும் பொறுத்தருள்வாய் கச்சியேகம்பனே
kallAp pizaiyum karuthAp pizaiyum kasin-thurugi
n-illAp pizaiyum n-inaiyAp pizaiyum n-innanjchezuththaich
chollAp pizaiyum thuthiyAp pizaiyum thozAp pizaiyum
ellAp pizaiyum poRuththaruLvAy kachchi EkambanE
Bêtise mo pas fine apprendre, bêtise mo pas fine pense toi,bêtise mo pas fine reste fondu en toi, bêtise mo pas fine rappelle toi,bêtise mo pas fine chante to cinq syllabes "NA MA SI VA YA", bêtise mo pas récite to nom, bêtise mo pas fine glorifier toi, bêtise mo pas fine prier toi.
O Ekambaranathar! (Siva comme élément terre dans Kanchipuram) s’il te plaît tolère tous ça ban bêtises la et pardonne moi!
Ramalinga Adigal—-Vallalar
L’enfance de Vallalar
Vallalar ti nais le 5 Octobre 1823 ā Marudur, ene village près avec Chidambaram, après ki ene saint ti apparaître devant so maman et ti dire li li pou gagne ene garçon qui pou capave enseigne l’art de l’immortalité.
Quand li ti ena 5 mois so parent ti amène li kovil. Quand li fine trouve achagar faire maha deepa aradanai li fine casse ene grand rire. Quand li fine grandi li expliquer ki au moment où li fine trouve la lampe li fine réalise le inner light et li fine exprime so contentement par sa grand rire la. Li pas ti content apprendre par contre li ti pe médite lor reflection ene la lampe ki li place devant ene miroir. Li ti content alle kovil et chante la gloire de lord Muruga.
Enseignement de Vallalar
Li ti condanne: le caste system, tuer ban animaux pou manger, l’inégalité basé lor naissance, superstitions et rituelle. Li dire la fraternité, la charité et ban pratiques vertueuses amène la connaissance pure, bon dieu c’est la lumière - Arutperunjothi (grande lumière de grâce).
Vallalar dire donne manger ban pauvre c’est plus grand la prière et li ti commence le dharmasalai (ene place cot offert manger végétarien gratuit). Jusqu’à maintenant le Dharmasalai encore pé offert manger vegetarien gratuit 3 fois par jour ā ban personnes ki péna manger et ā ban visiteurs.
Travail littéraire de Vallalar
Li fine compose ban poèmes lor la fraternité et la paix. Tous ban poèmes la fine compilé dans ene livre le Thiruvarutpa. Li fine écrire les autres livres aussi.
Disparition de Vallalar
Le 30 janvier 1874 Vallalar prend la lampe ki li garder dans so la chambre mette li dehors et demande so ban disciples considère la lampe la couma bon dieu, montrer la compassion envers tou créatures , de cette façon zot pou gagne la connaissance ki li fine gagner. Après ça li fine ferme li dans so la chambre et li fine demander aussi ki personne pas essaye ouvert la porte. Li ajouter ki si jamais ban authorité ouvert la porte zot pou trouve la chambre vide. Li pas fine apparaître après ça.
Related Content - Quick Links
