அருளகம் திருக்கூட்டம
Arulagam Thirukkuuttam
Tamil Festivals
Commentary on selected festivals
Ganesh Chaturti ou Vinayaka Chaturti
Ganesh Chaturti c’est célébration naissance lord Ganesha. Nou célébrer li le 4ème jour de la lune croissante pendant le mois de Ävani ( mi Aout à mi Septembre). Lord Ganesha ena plusieurs noms tel que Pillaiyar, Gajanana, Ekadanta, Vakratunda etc.
Lord Ganesha ena ene le corps humain avec ene la tête elephant. Éléphant symbolise la sagesse.
Lord Ganesha li symbolique et transmettre ene message important lor façon nou bisin vive et évite ban pièges dans ki nou tomber par ignorance et li montrer nou aussi moyen pou surmonte ça ban obstacles la.
Faudrez pas nou nec prier Ganesha et attan li pou vine aide nou. Nou bisin comprend ça ban symbols ki li portrait la et mette zot en pratique , lerla ki li pou vine écarte nou ban obstacles .
Symbolism dans portrait Ganesha
-
Gros la tête — pou pense grand
-
Gros oreilles — pou écoute bien
-
P’tit la bouche — pou cause tigitte
-
P’tit li yeux — pou concentrer
-
Ene défense ( Ekadanta) — pou garde bon et jette mauvais
-
Tronc ( Tumbikai) — efficience et adaptabilité
-
Gros estomac — pou digère en paix tou bon et mauvais dans la vie
-
Hache dans la main droite — pou coupe tous attachements
-
Bénédiction avec la main droite ( abhaya basta ) — protection dans la vie spirituelle
-
Goad ( baton à pointes- ankhs a)—-pou écarte nou loin de l’ignorance
-
La corde (paysan) — servi pou enlève difficultés lor chemin spirituel
-
Sweet ( Modak) — récompense de pratiques spirituelles
-
Le rat ( Eli) — desire ( trait négatif ) Ganesha assize lor le rat veut dire servi la sagesse pou enlève négativité.
La fête Aadi Pathinettam Perukku
Aadi veut dire le mois Tamil Aadi (mi Juillet à mi Août)
Pathinettam veut dire dix-huitième
Perukku veut dire augmenter
Aadi pathinettam perukku est ene fête ki observer chaque année le 18ème jour du mois Aadi ki correspondre au 2 ou 3 Aout. Dans Tamil Nadu Le mois Aadi marque le commencement de la mousson (saison la pluie). Pendant ça mois la niveau de l’ eau augmenter dans ban la rivière à coz la pluie. La pluie c’est ene cadeau de la nature à l’humanité. La pluie aider pou produire nourriture et li même li ene nourriture (Kural 12) .
Ban agriculteur attan avec impatience montée niveaux de l’eau dans réservoirs et les autres sources de l’eau pou commence planter pou prochain saison agricole. Alors zot offert zot la prière ban la rivière et autre sources d'eau priant pou zot gagne de l’eau tout le temps à fin ki zot gagne ene meilleur rendement dans prochain saison.
Dans certain parti de Tamil Nadu et à Maurice aussi ena ene rituel cot ban jeunes mariées alle cot zot parents pendant le mois de Aadi .
Le jour de Aadi perukku zot alle vers ene source d’eau offert zot prière puis ajoute ene ti boule en or (ki zot parent offert zot) avec zot thali dans ene nouveau la corde jaune ou dans zot la chaîne. Après ça cérémonie la ena ene ti celebration puis zot retourne cot zot.
Mais Aadi pathinettam perukku c’est principalement veneration de la nature sous la forme de la déesse Amman. C’est ene action de gratitude pou la grâce abondante de la nature lor l'humanité car même si le monde entourer avec ene vaste océan si la pluie n’a pas tomber l’humanité pou souffert de la famine (Kural 13).