Introduction

​

Theavaram est ene collection de chants devotionel en l’honneur de lord Siva composer par Thirugnaana Sambandar, Thirunavukkarasar (Appar) et Sundaramurthy Nayanar.

 

Ena 7 volumes de  Thevaram : trois premiers volumes c’est ban poems composer par Thirugnaana Sambandar, volume 4, 5 et 6 composer par Appar et volume 7 par Sundaramurthy Nayanar. 

 

Theavaram forme parti de nou 12 Thirumurai  et ti composer au 7ème siècle par les trois nayanmars  (messager de Dieu ) mentionner en haut.

 

Thirugnaana Sambandar commence chanter ā l’âge de trois ans quand li ti accompagne so parents au temple . Pendant ki so ban parents fine alle prend ene dip dans le kovil tank li fine commence pleurer . A ce moment la Siva et Parvati fine apparaître devant li et Parvati fine donne li du lait ( Gnana paal ) . Quand so papa demande li qui fine donne li du lait li décrire Siva comme “ Thodudaya seviyen “ ( celui qui porte ene ear ring ) so premier thevaram. ThirugnanaSambandar ti considère li comme le fils de Siva .

 

Appar

Appar pendant so l’enfance li ti attirer vers  le Jainism et li ti joindre ene monastère . So sœur ti prier Siva pou ki li retourne vers le saivism Appar ti gagne problem d’estomac. Quand li pas pé guéri malgré soin ki liti recevoir dans monastère li vine rode aide so sœur ki fine donne li de l’eau sacré du temple et fine applique Vibhuti lor li . Appar fine guéri et chante “ kootrainnavaru “ . Appar ki ti ene adulte ti considère Siva comme so master.

 

Sundaramurthy Nayanar 

Le jour du mariage de Sundaramurthy  Nayanar ene vielle personne apparaître et déclare ki Sundaramurthy Nayanar est so esclave et ki li pas gagne droit marier mais bisin travaille pou li. Sundaramurthy Nayanar fine en colère et demande li si li fou. La vielle personne insister ki Sundaramurthy Nayanar est so esclave et demande à l’assistance suivre li pou zot gagne preuve . La vieille personne  entre dans kovil et disparaître . A ce moment la Siva appaitre  et demande Sundaramurthy  Nayanar chanter . Sundaramurthy Nayanar dire li pas conne chanter. Siva dire li to ti traite moi de fou commence to chant par le mot fou d’où le thevaram “ pitha pirai soodi “ ( le fou qui porte ene croissant de lune ). Sundaramurthy Nayanar ti considère Siva couma ene camarade.

 

Ban personnes ki chante theavaram zot connu comme ban othuvars . Pann c’est ban arrangement musical ki fine mette en place pou chante theavaram. Les trois Nayanmars fine voyage partou dans Tamil Nadu pou partage  le message de Siva. Ban kovil  kot ban Nayanmars fine chanter connu comme “ paadal petra talam” . Ena 275 kovil kot ban Nayanmars fine chanter. De par zot grande sagesse , zot quête de la vérité et zot dévotion intense ban Nayanmars ti capave dissoude zot dans objet de zot devotion - Siva. Zot ti vine ene avec Siva ( couma disel dans de  l’eau) Lerla même thevaram ki zot chanter gagne ban pouvoir  miraculeux. En chantant thevaram les Nayanmars ti guéri ban personne malade et ti même ressuscite le mort.

Thevaram ti composer avec plusieurs buts par example : pou ene vie prospère , pou améliore  condition financière , pou éducation , pou péna manque manger et habillement 

 

Nou ban sages dire plus grand offrande ki nou capave offert bon dieu c’est ouvert nou la bouche chante so gloire. ஆர்ச்சனை பாட்டே ஆகும். Grand grand offrande (bel bel malé fleurs, bijou en or ou diamant) pas pou faire nou gagne la grâce bon dieu .

• Appar quand li fine guéri de so maladie dire: "தமிழொடிசை பாடல் மறந்தறியேன்" . Li pas blier chante en tamil avec la musique.

• Saint Maanickavasagar dire "பாட வேண்டும் நான்" (paada vendum naan) - verse 10 , chapitre 5.10 Thiruvaasagam.

 

Chante louange de dieu ena boucau bienfaits:

• Li aide ou gagne ban bon penser et crée en atmosphère calme et paisible en soi-même .

• Chanter aide pou manage stress et inquiétude ki cause ban problème digestif.

• Chanter contrôle ou  monkey mind. C’est ene meditation ecstatic quand ou pé réfléchi lor meaning ban paroles ki ou pé dire.  பொருள் உணர்ந்து சொல்லுவார் - Saint Maanickavasagar

• Chanter améliore ou mémoire et pouvoir concentration

• Chanter ena ene effet lor ou  respiration. Quand nou chanter nou respiration ralenti par conséquence condition nou  le coeur et poumon améliorer.